🌀الخلوةالساعية 🌀يا مدد يا مدد

الخلوة الساعية

حابة أقولك على تجربة روحانية بسيطة لكن قوية جدًا، وهي الخلوة الساعية. دي خلوة مدتها ساعة واحدة بس، و يمكن دي انسب حاحه بالنسبة لناس كتير عندهم اطفال و ومسئوليات و لكن صدقني عالرغم انها بسيطة و لكن فعالة و قوية

الخلوة الساعية لها وقت مبارك و تبدأ بعد صلاة العشاء وتستمر لحد الفجر.

و اوعدك انك هتحس إنها بترفع روحانياتك وبتقوي اتصالك بالله بشكل مميز جدًا😍 والاجمل انها مش معقدة خالص.

إزاي تعمل الخلوة الساعية؟

1. جهز المكان بحيث يكون هادئ تمامًا، و لو معاك حد بالبيت عرفه انك في جلسة ذكر و ممنوع المقاطعه 🔴 لأي سبب كان .🤚 انتهى

2. لو تقدر شغّل بخور أو شمعة

الجو الروحاني بيفرق..و يفضل بخور المسك او العود او الصندل

3. لازم تكون على وضوء، ولو حابب تاخد شاور كمان هيكون أفضل. و اغسل الشعر كويس بنية تنظيف المشاعر المتراكمة ده لو امكن مش هتقدر يبقى وضوء و تطيب و البس احلى ما عندك

انت في حضرة 🌀مااااالك الملك🌀

( لو عندك عذر شرعي قومي بنفس ماذكرت… الله يحبك💎💙)

4. اقفل موبايلك أو أي حاجة ممكن تشتتك. لو الدنيا قامت قعدت احترم هذه الساعه و احعل من حولك ان يحترم لحظات جلستك و خصوصيتها 🤚🔴

5. خلي نيتك إنك تقرب من الله اكتر و تستشعر الاطمئنان و معيته لك

فهو ينظر لك اللهم مدد بلا عدد 🙏 🙏

6. خد زجاجة مياه معاك مش عاوزين نطلع من المكان المغلق 😍.

طيب تقول إيه في الوقت ده؟

هتقوم بالبرنامج ده بالترتيب و لو قلت الذكر بقلب حاضر فانت في جنة الدنيا 🎯🌀

🌀استغفر الله العظيم وأتوب إليه او الصيغة المحببة لقلبك100 مرة.

🌀اللهم صلي وسلم وبارك على سيدنا محمد 100 مرة.بأي صيغة

🌀سورة الإخلاص 313 مرة او 100 مرة انت و مقدرتك المهم حضور قلبك

🌀 اتكلم مع ربنا: تذلل افتقر ابكي اخشع اخضع

و ردد يا قريب يا مجيب 110 مرة

و الله ان دموعك غاليه عند الله و شوف النور اللي هيملي وجهك و تطهير قلبك بعد الجلسة

ادعِ باللي في قلبك خليك صادق وبسيط، اطلب القرب و اطلب النور و الهداية.

🌀 اللهم مدد بلا عدد 🌀

جربها النهارده، حتى لو قبل الفجر بشوية🌀😍 هتحس براحة نفسية وسكينة مش طبيعية

. ولو حسيت بأي تغيير، احكيلي عنه

نفسي أسمع منك ❤️.